Рада БНР абвяшчае пра абнаўленьне Статуту Ордэна Пагоні і заснаваньне Мэдаля Ордэну Пагоні
Ордэн Пагоні – найвышэйшая ўзнагарода Рады БНР, якая была заснаваная ў 1949 годзе. Яе канцэпцыя абапіраецца на традыцыі беларускіх дзяржаўных узнагародаў часоў Рэчы Паспалітай. У прыватнасьці, Ордэн Пагоні натхнёны найстарэйшай дзяржаўнай узнагародай Рэчы Паспалітай і Вялікага княства Літоўскага – Ордэнам Белага арла, заснаваным 1 лістапада 1705 г. Каралём і Вялікім князем Аўгустам II Моцным. Ордэн Пагоні зьяўляецца у пэўным сэнсе беларускай лякалізацыяй гэтай агульнай для народаў былой Рэчы Паспалітай узнагароды і яе сучасным, рэспубліканскім і дэмакратычным, пераасэнсаваньнем.
Мэдаль Ордэну Пагоні, заснаваны ў 2022 годзе, зьяўляецца ўзнагародай Ордэну, вышэй за якую зьяўляецца тытул кавалера або дамы Ордэну Пагоні.
Мэдаль уручаецца беларускім грамадзянам і замежнікам беззаганнага характару, якія маюць асаблівыя заслугі перад беларускім народам:
- Асобам, якія адзначыліся на ніве змаганьня за волю і незалежнасьць Беларусі,
- Выбітным грамадзкім і культурніцкім дзеячам у Беларусі і сярод беларускага замежжа,
- Замежнікам, якія спрычыніліся да дасьледваньняў і папулярызацыі Беларусі ў сьвеце, а таксама іншым чынам спрыялі нацыянальным інтарэсам Беларусі.
Мэдаль уручаецца адмысловым дэкрэтам Старшыні Рады БНР і можа быць пасьмяротнай узнагародай, але надавацца напрацягу ня больш як дзесяці гадоў пасьля сьмерці. У выпадку пасьмяротнага ўзнагароджаньня мэдаль уручаецца блізкім сваякам узнагароджанай асобы.
Апісаньне мэдаля, паводле Статуту: “Мэдаль увесь з жоўтага мэталу, круглае формы, на ліцавым баку выява Крыжа Ордэну Пагоні, на адваротным баку выбіты надпіс: “Не разьбіць, Не спыніць, Не стрымаць” і зьмешчаны нумар. Стужка Мэдаля складаецца з вэртыкальных палосаў наступных колераў, разьмешчаных у наступным парадку: тонкая чырвоная, шырокая белая, шырокая чырвоная, шырокая белая, тонкая чырвоная.”
Першымі ўзнагароджанымі Мэдалём Ордэну Пагоні сталі асобы, пералічаныя ніжэй.
Беларускія актывісты і пратэстоўцы, якія загінулі ў сувязі зь беларускімі пратэстамі 2020-2021 гг.:
- Вітольд Ашурак
- Раман Бандарэнка
- Мікіта Крыўцоў
- Аляксандар Тарайкоўскі
- Генадзь Шутаў
- Канстанцін Шышмакоў
Беларускія ваяры, якія загінулі на вайне ва Ўкраіне ў 2022 г.:
- Зьміцер Апанасовіч
- Аляксей Вешчавайлаў
- Павал Волат
- Васіль Грудовік
- Канстанцін Дзюбайла
- Іван Марчук
- Васіль Парфянкоў
- Зьміцер Рубашэўскі
- Аляксей Скобля
- Ільля Хрэнаў
- Вадзім Шатроў
Беларускія добраахвотнікі і ваяры, якія загінулі падчас Рэвалюцыі годнасьці і на вайне ва Ўкраіне з 2014 г.:
Дакумэнты:
